A Xunta prepara a rehabilitación do Castelo de Pambre sen o ter adquirido

A Secretaría Xeral para o Turismo outorgou á empresa Mario Crecente y Asociados Consultores a elaboración do proxecto de recuperación do Castelo de Pambre por 56.640 euros. Sen embargo, a Administración autonómica aínda non adquiriu o castelo que pretende reformar. En declaracións ao Faro de Vigo, os Irmáns Misioneiros de Teis afirmaron que non "saben nada" novo ao respecto pero fontes de Cultura sinalan que a compra segue adiante polo valor anunciado no seu momento por Feijóo (ao redor dos cinco millóns de euros).