Moitos deles fixeron importantes contribucións ao coñecemento e ao progreso tecnolóxico humano, e eran galegos. Pero moitos científicos claves na Historia do país non foron especialmente coñecidos polo gran público. A partir de hoxe, e en varias entregas semanais, un equipo interdisciplinar de divulgadores e científicos publicará en culturagalega.org a súa Historia. Xosé A. Fraga, doutor en Bioloxía e coordinador do proxecto, explícanos as claves do Álbum da Ciencia e amósanos algunhas curiosidades.
