A celebración, o vindeiro 27 de marzo, do Día Mundial do Teatro terá carácter reivindicativo en Galicia. A Plataforma das Artes Escénicas, que integra os colectivos de actores e actrices, danza, ilusionistas e circo, entre outras entidades, anunciou que realizará nesta data unha manifestación en Compostela para protestar polo incumprimento de pagos por parte da administración pública e denunciar a precaria situación do sector.
