Os contacontos galegos celebran por primeira vez o Día Mundial da Narración Oral

Comezaron coa celebración os narradores suecos a principios dos 90 facéndoa coincidir coa chegada da primavera e hoxe é unha festividade en todo o mundo. O Día Mundial da Narración Oral celébrase o 20 de marzo e no Estado hoxe haberá actos en Antzuola (Euskadi), en Barcelona, en Madrid, en Guadalaja e tamén en Galicia, por primeira vez. Santiago celebrará un evento organizado por Varios Ventos, a Asociación de Narradoras/es Orais de Galicia. Haberá unha xuntanza de narradores profesionais e, posteriormente, o pub Atlántico acollerá dúas sesións de maratón de contacontos para o público xeral, ás 21 e ás 10.30 horas. Participarán, entre outros, Cándido Pazó, Soledad Felloza, Celso F. San Martín, Charo Pita, José Campanari, Avelino González, Raquel Queizás, Tim Bowley, Pepo Suevos, Oswaldo Digón, Pedron Brandariz.