Entre o 15 de marzo e o 4 de abril, a Zona C de Compostela acolle as representacións de Hamlet... a work in progress. Lonxe de ser unha obra de teatro convencional, esta iniciativa amosará o resultado de Montando Shakespeare curso de creación escénica que Alberto Padilla comezou a impartir nesta cidade o pasado tres de marzo. O actor, especialista en Shakespeare na Royal Academic of Dramatic Art de Londres, amosaralle aos actores as técnicas habituais do teatro inglés canda a propostas vangardistas de representación.
Como resultado do obradoiro, porase en escena o Hamlet, co único requisito de se manter fieis ao texto de Shakespeare, traducido desta volta por Alfredo Conde. As entradas poranse á venda a un prezo de oito euros.
Como resultado do obradoiro, porase en escena o Hamlet, co único requisito de se manter fieis ao texto de Shakespeare, traducido desta volta por Alfredo Conde. As entradas poranse á venda a un prezo de oito euros.
