Sete representacións, gastronomía e actividades de rúa compoñen o programa da XVI Mostra de Teatro Clásico de Lugo. A Cidade da Muralla acolle entre o 11 de febreiro e o 12 de marzo as actividades deste evento, que achegan novidades como unha representación en inglés (ROYAL FLUSH. Shakespeare Vs Cervantes) e, por segundo ano, unha selección de tapas inspiradas polas obras do programa en varios locais da cidade. A nivel estritamente teatral, o proxecto inclúe este ano sesións de El Eunuco, El Retablo de las Maravillas, La Hermosa Jarifa, Medea, Sanchica, Princesa de Barataria, Hamlet e mais Teresa o el sol por dentro, obra na que Rafael Álvarez El Brujo homenaxea a Santa Teresa de Xesús. Os lugueses disporán tamén de obradoiros de arte dramática en diferentes lugares da cidade e, para o público familiar, da representación de DON QUIJOTE. Una comedia gastronómica!.
