Lugo incorpora a gastronomía á Mostra de Teatro Clásico

Unha tapa específica para cada unha das obras que fan parte do programa. A Mostra de Teatro Clásico de Lugo incorpora a gastronomía ao seu programa coa colaboración de once locais da cidade. Canda á comida, a XV edición do recoñecido evento escénico achega como xa é habitual unha selección de compañías que inclúen, entre outras, o musical La flauta mágica, variaciones Dei Furbi, que obtivo o premio Max 2014. Canda a ela, visitarán a cidade da muralla compañías como Ojos de agua, con Charo López, Teatro Meridional, Teatro Corsario, Os monicreques de Kukas, Voadora ou Producións Teatrais Excéntricas. O programa desenvolverase entre o 22 de xaneiro e o 28 de febreiro.