Citizen Total e A ópera dos tres reás encabezan as candidaturas aos María Casares

Once obras de teatro das trinta que se presentaron optan a levar algún dos once galardóns dos Premios de Teatro María Casares na súa XVI edicións. Citizen Total de Chévere, e mais A ópera dos tres reás, do Centro Dramático Galego encabezan candidaturas con oito cada unha. Ségueas de preto Oeste Solitario, de Producións Teatráis Excéntricas con 6 nomeamentos, e “E.R.” Algún día traballaremos xuntas, de Teatro do Atlántico, que opta a catro galardóns. Na categoría de mellor espectáculo compiten Citizen, Oeste solitario e mais O florido Pénsil.

Avelino González, Xesús Ron e Xulio lago son os candidatos a mellor director, mentres Antonio Durán Morris, Josito Porto e Evaristo Calvo se miden como mellor actor protagonista e Luísa Merela, Patricia de Lorenzo e Susana dans o fan na categoría á mellor actriz.

A lista de cantidatos deuse a coñecer onte na V Festa do Nomeados que que a AAAG organizou no Pazo da Peregrina de Bertamiráns, e a gala de entrega de premios desenvolverase o vindeiro 3 de abril no Teatro Rosalía de Castro, na Coruña.