A XXIX Semana Galega de Filosofía centrarase en Europa

O auditorio Caixanova de Pontevedra acollerá, entre o 9 e o 13 de abril, a XXIX Edición da Semana Galega de Filosofía. A Aula Castelao presentaba esta mañá o programa do evento, que baixo o lema Filosofía e Europa analizará a actual crise das democracias continentais. Giacomo Marramao, a relacionar progreso e a catástrofe, Éric Toussaint, que interverán encol do poder político e económico na UE ou Francisco Louçã, que abordará as posibilidades de loita social na actualidade, son algúns dos relatores que fan parte do programa. Desde Galicia cóntase con intervencións de Xosé Luís Méndez Ferrín, Antón Baamonde ou Ana Miranda, entre outros. O prazo de inscrición para asistir ás conferencias está xa aberto.