O Festival de Documentais de Tui, Play-Doc, chama á colaboración económica dos seus seguidores para completar o financiamento da súa edición deste ano. Os interesados poderán facer achegas a partir de dez euros, que dan dereito a unha chapa e a descontos nas entradas a concertos. A partir dos cincuenta, un pase especial permitirá o acceso gratuíto a todas as actividades. Canda a isto, a organización adiantou hoxe que no evento proxectaranse dez filmes galegos. Vikingland, de Xurxo Chirro competirá canda a outros catro títulos na sección oficial.
Canda a el, poderán verse Ecos del bosque, Na vibración da terra e Na
vibración da auga de Lois Patiño, a serie Pantasmas de Ángel Santos, A muller do Eternauta, de Adán Aliada, e Tralas luces, de Sandra
Sánchez. Tamén fai parte do programa os traballos en desenvolvemento de Pela del Álamo e Víctor Hugo Seoane, N-VI e Lugares no tempo.
O festival celébrase entre os vindeiros 21 e 25 de marzo.
