O Gaiás acollerá a primeira xornada dun encontro sobre industrias creativas

As industrias culturais e creativas como chave para o futuro: análise e perspectivas é o título do congreso internacional que comeza o vindeiro 23 de febreiro na Cidade da Cultura, en Compostela. O programa, que adiantou esta mañá a Axencia Galega das Industrias Culturais, conta con relatores como Andy Pratt, do King's College de Londres, Paulo Alves da Fundación Serralves, Isabel Neira , da Universidade de Santiago ou Víctor Fernández Blanco da Universidade de Oviedo. No encontro presentarase un estudo sobre os datos das industrias creativas en Galicia e mais no Norte de Portugal. O encontro continuará o día 24 en Guimarães. A inscrición é gratuíta.