Hai catorce meses derrubouse a fachada do pazo medieval de Diomondi, no concello de O Saviñao, unha das xoias medievais da Ribeira Sacra. Desde aquela, o Bispado de Lugo realizou unhas obras urxentes de apuntalamento do resto da estrutura desta antiga residencia veraneira dos bispos lucences para evitar que todo se veña abaixo, pero non se acometeu a reparación da fachada derrubada. Segundo publicou hoxe El Progreso, o PSOE local recolleu as reclamacións dos veciños e solicitou ao Bispado e á Consellería de Cultura a rehabilitación do inmoble "o antes posible".
