A Xunta restaurará o pazo medieval de Diomondi

A Xunta de Galicia restaurará o pazo episcopal de Diomondi, unha das poucas mostras de edificios medievais laicos (non é unha igrexa). A fachada do pazo de Diomondi (O Saviñao) veuse abaixo en decembro de 2010 e desde entón ten sido unha reclamación constante por parte de veciños e entidades de salvagarda do patrimonio. A Xunta licitará "en breve" a restauración por 200.000 euros. Entre outras obras, o Conselleiro de Cultura visitou Santa María de Nogueira, onde a Xunta está a rehabilitar as pinturas murais do interior.