Vense abaixo en Viveiro un mosteiro de principios do século XX

Unha empresa quería restauralo para convertelo nun hotel monumento pero a crise económica paralizou o proxecto. Onte, un antigo mosteiro neogótico comezado a construír a principios do século XX no casco vello sufriu un grave colapso de elementos da súa estrutura que provocou un derrubo parcial do monumento. Ante o risco de derrubo da fachada principal, o concello solicitou a Patrimonio a autorización para o derrubo controlado do total do inmoble. Oito casas próximas foron desaloxadas ente o risco de que se produzan máis derrubos nas vindeiras horas.