Canzorros da igrexa parroquial de Carboeiro, por sorte non afectados polo derrubamento. Foto: concello de Silleda
A igrexa parroquial de Carboeiro (Silleda) sufriu o afundimento de parte do seu tellado na noite do venres ao sábado, sen afectar a persoas. A trabe máis antiga do teito venceu, provocando un derrubamento sobre parte da nave que non afectou o altar maior ou ao caro, nin á colección de canzorros románicos que ten a nave no exterior. A igrexa parroquial non é o mosteiro de Carboeiro, tamén na mesma parroquia e curiosamente afectado por accións vandálicas na súa inscrición fundacional recentemente. As imaxes do interior xa foron postas a resgardo e o edificio precintado.
