O Pazo de Tor (Monforte), o Museo Provincial de Lugo, o Museo do Mar (San Cibrao) e o Museo Etnográfico de San Paio de Narla (Friol) desenvolverán de xeito conxunto un programa de arte e xénero. Unha proposta de ámbito estatal que desenvolve a firma Medusa Medición co respaldo do Ministerio de Cultura e na que están implicados outros centros de Murcia e de León. A proposta pretende afondar na imaxe que a arte ofrece das persoas en función do seu xénero. O proxecto chámase Quen lle dá a volta á tortilla. Homes, xénero e roles nas coleccións de tres museos provinciais e cada centro escolle tres artistas da súa comunidade para reinterpretar as súas obras. O formato desenvólvese mediante un obradoiro aberto ao público (un custe de 20 euros) e unha intervención itinerante.
