A Revolta Irmandiña foi un episodio histórico decisivo non só para a Historia de Galicia senón tamén para a historia das mentalidades. Aquela coalición de labregos, mercaderes, cregos e pequena nobreza contra a gran aristocracia de Galicia deixou unha fonda pegada no imaxinario colectivo. Aínda hoxendía, os Irmandiños continúan a ser un referente cultural, social e mesmo político para moitos colectivos en Galicia. Carlos Barros, medievalista e profesor da USC -posiblemente o maior experto no fenómeno irmandiño- resume nesta entrevista de 40 minutos as claves da revolta, as súas orixes, consecuencias e mesmo as súas anécdotas, coa voz dos seus protagonistas. Unha entrevista de Santi Pastoriza.
