O 5 de setembro publicamos unha reportaxe da nosa serie Turismo Cara B percorrendo importantes lugares vinculados á historia da Revolta Irmandiña. Para contar esta historia e axudar aos usuarios a localizar o emprazamento destas ruínas e lugares, empregamos Tagzania, unha ferramenta para xeolocalizar os lugares, é dicir, para marcalos nun mapa no que se pode visitar desde o aire os lugares e saber o xeito de acceder. Desde aquela, Xavier Feixoo, afeccionado á Historia e mantedor do sitio concellodesandias.com, enriquecía o mapa da Revolta Irmandiña en Galicia con importantes achegas que desvelaban outras fortalezas e lugares de batallas deste gran acontecemento do final da nosa Idade Media. Ata o momento, no mapa irmandiño hai 78 referencias de lugares vinculados á revolta. Pero ti tamén podes completalo coas túas achegas, engadindo lugares e etiquetándoos co tag “irmandiños”.
O mapa da Revolta Irmandiña; o tag "irmandiños" en Tagzania e o noso tema do día
