Do vidro á galería

A coincidir co 75º aniversario da cristalería El Reflejo, da Coruña, os responsables deste establecemento iniciaron o proxecto de facer unha exposición de traballos artísticos co vidro como material. Deste xeito naceu Reflexarte, un proxecto no que se amosan as posibilidades expresivas deste material da man de diferentes creadores e creadoras do noso país.

Traballos de Soledad Penalta, Tiago Madeira, Manuel Patinha, Paco Pestana, Álvaro de la Vega, Tono Galán, Montse Rego, María Xosé Díaz, Carmen Senande, Acisclo Manzano e Julia Ares fan parte da montaxe, que se pode ver ata o vindeiro 26 de febreiro no Museo do Pobo Galego.

O proxecto xa se puido ver no Museo de Arte Contemporánea Unión Fenosa da Coruña en decembro de 2010, e visita agora Compostela desde onde está previsto que continúe a súa itinerancia cara ao centro cultural da Deputación de Ourense.

Galería: Reflexarte

A miña semana, de Julia Ares. Vidro termofusionado. Fonte: Catálogo da exposición. Museo do Pobo Galego.

Medusas de Montse Rego. Vidro fusionado e eva.

Fonte: Catálogo da exposición. Museo do Pobo Galego.

Chegando a Cruña. Álvaro de la Vega. Vidro e esmaltes.

Fonte: Catálogo da exposición. Museo do Pobo Galego.

Onde, non importa, só pasos. Soledad Penalta.

Ferro, espello e vidro fusionado con cor. Fonte: Catálogo da exposición. Museo do Pobo Galego.

A cea. Acisclo Manzano. Vidro termofusionado.

Fonte: Catálogo da exposición. Museo do Pobo.