Unha exposición amosa o proxecto Jail Art

A Casa da Fariña, o local da cooperativa Hábitat Social na Coruña, acolle desde mañá unha exposición de material do proxecto Jail Art. Esta iniciativa, que se desenvolveu en apoio da recuperación da antiga cadea da Coruña, recibiu trescentas obras de arte postal de 20 países diferentes. Parte deste material puido verse ao aire libre no pasado verán. A inauguración será ás 20:30 horas e incluirá unha acción poética de Raúl Reguera e a participacíón de Francois Davo.