Mentres se resolve a incógnita sobre os futuros usos da antiga cadea da Coruña, o edificio segue a albergar actividades culturais. A vindeira actuación será dentro dun mes (19 e 20 de novembro) no que se pretende debater sobre os usos sociais e culturais de edificios que quedan baleiros despois de que cesen as actividades para as que foron construídos. E poida que non sexa a única actividade, xa que a asociación Ese8 solicitou volver realizar unha segunda edición da mostra de cine periférico.
