Voadora prepara un espectáculo en Guimarães con motivo da capitalidade Cultural Europea

Ácaban de estrear o seu último espectáculo, Tokyo 3, e o equipo de Voadora ten novos proxectos sobre a mesa. Un deles consiste nunha nova montaxe a partir dun texto clásico que eles reinterpetarán e actualizarán acorde co seu estilo arriscado e innovador. Esta montaxe terá lugar este ano en Guimarães, xa que Voadora foi a única compañía española convidada para producir un espectáculo a propósito da celebración da Capitalidade Cultural Europea 2012. Esta fin de semana arrincaron as actividades de celebración desta efeméride que conta con performances, concertos, exposicións, obradoiros, entre outras. Guimarães comparte coa localidade eslovena de Maribor, a capitalidade cultural europea neste ano.