As 37 cidades do Eixo Atlántico contan desde onte cunha nova publicación para se promover a nivel internacional. A Xunta de Galicia, o Xacobeo, a entidade de Turismo Porto-Norte de Portugal e o Eixo Atlántico presentaban onte unha guía de 120 páxinas en tres idiomas que se distribuirá en Madrid, Bruxelas, Barcelona e as oficinas de Turismo de Galicia e do Norte de Portugal. Entre outra información, a publicación achega un anexo sobre o Xacobeo no que se recolle, entre outros roteiros de peregrinación, o Camiño Portugués da Costa. O proxecto quere vencellaR a celebración do Xacobeo coa vindeira Capitalidade Europea da Cultura que acollerá Guimarães en 2012.
