O MARCO prepara dúas coproducións para o primeiro semestre deste ano

Malia reducción orzamentaria pola saída de membros do padroado (a Fundación Novacaixagalicia e a Deputación de Pontevedra), o MARCO afronta este ano expositivo con varias mostras. Alén das xa inauguradas (a colectiva You are not alone e a de Amaya González Reyes Entrar na Obra), este primeiro semestre deixa outras dúas referencias no calendario. Unha delas é Presenza activa (9 febreiro) e a outra é o resutlado do premio para novos comisarios (1 de xuño).

A primeira cita no calendario, Presenza activa , afonda na relación do artista co espectador. Trátase dunha mostra colectiva que o MARCO coproduce con LABoral, Centro de Arte y Creación Industrial de Xixón e que presnta artistas como Maja Bajević, John Bock, Sue-C, Gary Hill, Thom Kubli, Mads Lynnerup, Alastair MacLennan, Sergio Prego, La Ribot, Carlos Rodríguez-Méndez.

En xuño chega a outra exopsición, tamén en coprodución co francés FRAC Lorraine, que é o resultado do premio de novos comisarios. Segundo explica unha nota de prensa remitida polo MARCO, o proxecto gañador “toma como punto de partida a escritura do autor uruguaio Felisberto Hernández (1902-1964), para explorar a noción de lectura e as súas diferentes modalidades, experiencias e estructuras. As obras exhibidas fan uso da relación e interacción entre texto e lector, así como da condición, o acto e o proceso da lectura, e as formas de construción do significado”. A mostra chegará ao MARCO de Vigo, depois de se exhibir en Francia.