Foto: Tamara de la Fuente
En Periferia indagaron sobre o fracaso no presente; en Super 8 ollaron cara atrás a partir das gravacións domésticas e agora, en Tokio 3, convidan ao espectador a fabular sobre o paraíso futuro.Voadora volve fundir nun espectáculo interpretación, música, acrobacias e unha posta en escena sinestésica para implicar ao público e convídalo a reinventar o tempo e o espazo. A súa última aposta chega esta noite ao Salón Teatro de Santiago (20:30 horas).
1/3
2/3
3/3
Este espectáculo pecha o primeiro proxecto desta compañía que naceu en 2008 da man de Marta Pazos co obxectivo de facer montaxes caleidoscópicas, máis atrevidas que mesturaban son, artes escénicas con outras disciplinas. Fiel a esa liña, Voadora presenta agora un terceiro “espectáculo que non conta unha historia, senón que fai preguntas e trasládalle ao espectador ideas que ha de resolver el” explica Marta Pazos, que repite como directora, artista e produtora.
VOADORA_"TOKIO3" TEASER from voadora on Vimeo.
