Detalle do espectáculo Tokio 3
Era o espectáculo co que pechaba unha triloxía sobre o tempo e os lugares comúns. En Tokio 3 convidaron ao espectador a fabular sobre o paraíso futuro e fixérono cunha revisión dos clásicos coa súa letura fresca, áceda e que mesturaba enriba das táboas danza, música e teatro con moito sentido do humor. E o seu traballo ten recompensa porque son finalistas aos Premios Max, o máximo galardón das artes escénicas, na categoría de “Mellor espectáculo revelación”. Trátase dunha categoría no que cada comunidade autónoma elixe aos seus representantes. Os gañadores saberanse o vindeiro 13 de maio no transcurso dunha gala que terá lugar en Madrid.
