Eduardo Alonso acada un novo MAX por Último cowboy

Último cowboy está protagonizado por un directivo de banca e unha estranxeira que falan de diferentes mundos europeos, das relacións familiares e dos problemas persoais. O texto acaba de valerlle a Eduardo Alonso un premio MAX na categoría de mellor autor teatral en galego que se fallaron onte en Madrid. A noite foi a de Mario Gas, que co seu Follies levou os 6 premios aos que era finalista: mellor espectáculo musical, mellor director musical, mellor figurinista, mellor dirección de escena, mellor actos protagonista e mellor actriz de reparto. O premio para o mellor espectáculo de teatro foi para En la luna. A compañía Voadora era finalista na categoría a mellor espectáculo revelación por Tokio 3 que ao final foi para Escena Miriñaque por Cartas de las golondrinas.