Eduardo Alonso gaña o premio MAX por Extrarradios

Eduardo Alonso acaba de facerse cun premio MAX na categoría de “mellor autor teatral en galego” pola obra Extrarradios. Comedia de mulleres desamparadas de Teatro do Noroeste. Así se deu a coñecer no transcurso da XII gala dos Premios MAX na que tanto Animalario como Teatro Lliure foron os grandes vencedores. Menos sorte tiveron os galegos Baltasar Patiño, finalista na categoría de Mellor deseño de iluminación por Si, pero no lo soy e Lagarta, Lagarta finalista a mellor espectáculo revelación, que non acadaron os seus galardóns.