Novos recursos para consolidar e escavar no santuario galaicorromano do monte Facho

O difícil estado do santuario galaicorromano e castro do Monte Facho, en Donón (Cangas), sometido a degradación polo crecemento de vexetación, o clima e os visitantes, ficará solucionado nos vindeiros meses a partir do compromiso da Deputación de Pontevedra, que destinará recursos económicos e unha brigada de traballadores. Así o manifestou Rafael Louzán, presidente da Deputación, nunha xuntanza coa prensa local. A actuación conxunta pasa pola limpeza e consolidación do recinto xa exhumado, pero tamén para continuar a escavación, para o que se están a procurar fondos europeos.