Recuperan e sinalizan o castro de Castromaior

O castro de Castromaior (Portomarín, Lugo) fora obxecto de varias campañas de escavación a pasada década, pero o seu estado era de absoluto abandono. O recinto arqueolóxico enchérase de maleza ata o punto de que era moi difícil entrar na área escavada sen gabear polos antigos muros da fortificación. A Xunta financiou con 25.000 euros a consolidación, limpeza, sinalización e publicación en web do sitio arqueolóxico. As autoridades aspiran a que o castro sexa un recurso visitable do Camiño de Santiago, que pasa polas proximidades de este importante sitio arqueolóxico.