EGANET premia as iniciativas máis destacadas das novas tecnoloxías en Galicia

Xa son un clásico do Nadal. Os Premios EGANET, concedidos pola Asociación de Empresas Galegas na Internet, premiaron hoxe á mañá no Pazo de Congresos de Santiago aos mellores traballos en diferentes categorías de produtos e servizos da sociedade da información galega. A empresa viguesa Elogia gañou os premios ao mellor proxecto empresarial TIC e á mellor campaña de comunicación dixital, Bahía Software obtivo o premio ao mellor software cun programa de documentación médica, BayDICOM Media, Elo Technologies gañou ao mellor negocio en liña con Buydeal.es, Trileuco Solutions gañou ao mellor emprendedor e a Fundación Foltra (de axuda a discapacitados) levou o Premio Especial Eganet.

Víctor López, presidente da asociación, solicitou no seu discurso final o apoio das administracións galegas a través da contratación dos desenvolvementos a empresas do país e así favorecer o crecemento e a expansión destas.