Javier García Tobío, director xerente do Centro de Supercomputación de Galicia, recibiu onte o premio de honra que entregaba a asociación Empresas Galegas Adicadas a Internet. Onda el, foi premiada a Universidade de Santiago pola presenza institucional máis destacada e "La Voz de Galicia" como mellor medio de comunicación dixital. Pola súa banda Galicia Banner levou o galardón á mellor acción publicitaria na rede e Abertal Networks o da mellor presenza en Internet. No marco do foro Galicia TIC tamén se entregaron os premios deste encontro que foron para Imaxin Software polos seus produtos de xestión da información e enxeñaría lingüística, e para a Aula de Produtos Lácteos de Lugo polo seu traballo de simulación dunha explotación agropecuaria.
Máis información en La Voz de Galicia e en Vieiros e no web de Galicia TIC
