Vista dunha das intervencións
Todo comezou en setembro, no marco do Encontro de Artistas Novos, cando lle pediron a diferentes creadores contemporáneos que reinterpretasen a cidade da cultura nunha exposición que chamarían Inside. Marlon de Azambuja, Elena Fernández Prada, Alicia Martín, Pamen Pereira, Jorge Peiranes e Damián Ucieda son os responsables dalgunhas iniciativas que converten o espazo nunha aldea rural, nun invernadoiro vertical, nunha alfombra de cores ou unha Torre de Babel con máis de 3.000 libros integran. A sétima proposta deste proxecto chámase Container Inside e trátase dunha obra colectiva resultante do encontro, elaborada por 100 mozos creadores debateron sobre o posicionamento actual do artista e o devir da produción artística contemporánea.
Inside terá unha segunda fase na que o público tamén poderá facer a súa propia intervención grazas ás ferramentas tecnolóxicas que Anna Carreras e Ramón Illobre porán a disposición de todos os visitantes no Museo de Galicia. Alí, o visitantes poderán xerar unha obra e expola de forma virtual no último dos edificios do Gaiás aberto ao público.
