O V Encontro de Artistas Novos explora as conexións entre públicos, crítica e creadores

A Cidade da Cultura acolle o V Encontro de Artistas Novos, que se celebrará ata o 11 de setembro. Segundo os organizadores, o encontro busca "favorecer a convivencia entre artistas emerxentes galegos e procedentes doutros lugares, ademais de poñer en contacto aos participantes con outros axentes do sector como críticos, comisarios ou art followers". Entre os artistas relatores estarán Menchu Lamas, Ana Laura Aláez, Damián Ucieda, Enrique Marty e Aitor Saraiba, ademais de críticos de arte, xornalistas e comisarios.