Verter para o galego títulos de narrativa de ficción de calidade. Esta é a premisa coa que nace a editora Huguin e Munin, con sede en Santiago, e que se presenta ao público o vindeiro sábado 17 ás 20 horas na Galería Sargadelos de Lugo. O forasteiro misterioso de Mark Twain e Servizo de Correos, de Charles Bukowski son os primeiros lanzamentos da firma, que quere desenvolver a súa actividade baixo a fórmula dun club ou círculo de lectura, mediante subscrición. A intención da editora é tirar oito títulos ao ano, prestando especial atención ás "literaturas inglesa e francesa, as literaturas nórdicas e as literaturas minorizadas", así como ao deseño do libro e á corrección da escrita, que sinalan como "elementos fundamentais da engrenaxe editorial".
A intención da editora é tirar oito títulos ao ano, prestando especial atención ás "literaturas inglesa e francesa, as literaturas nórdicas e as literaturas minorizadas", así como ao deseño do libro e á corrección da escrita, que sinalan como "elementos fundamentais da engrenaxe editorial".
