Rinoceronte Editora anuncia dez lanzamentos traducidos para o galego na súa presentación pública

Como xa anunciaramos, o 2006 comeza cunha nova proposta editorial para o país. Rinoceronte editora nace da man de Moisés R. Barcia para verter ao galego títulos da literatura internacional, tanto clásicos como actuais. Agora preséntase o primeiro catálogo desta editora, que inclúe sete títulos na colección Contemporánea e tres na Clásica. Os primeiros libros que verán a luz son "Seda" de Alessandro Baricco e "O bosque dos raposos aforcados" de Arto Paasilinna.

Máis información en La Voz de Galicia nos nosos arquivos e no web da editora