Xaquín Marín, autor dos cadriños que publicamos cada fin de semana, ten libro novo. Edicións Embora presenta, o vindeiro vinte de febreiro na Galería Sargadelos de Ferrol, O lecer de Isolino. Este volume, con tapa dura, escolma traballos do autor publicados na sección homónima que mantén en La Voz de Galicia. A xira de presentación continúa na Galería Sargadelos de Lugo o día 26. A obra pode adquirirse por 22 euros.
