O II Encontro co Cómic de Ávila, que se celebra a vindeira semana, contará coa presenza dos galegos David Rubín e Miguelanxo Prado. Prado falará da súa experiencia coma animador e autor de BD nunha mesa redonda dedicada á relación entre estas dúas artes. Pola súa banda, Rubín participará noutra mesa sobre banda deseñada e videoxogos. Ao tempo, a revista “Retranca” continúa a súa xira de presentación. O vindeiro sábado a cita será na galería Sargadelos de Barcelona, coa presenza do director, Kiko da Silva, e mais do colaborador Alberto Guitián. O día sete será a galería homónima de Lugo quen acolla a presentación desta publicación centrada no humor gráfico.
Máis información no blog de Ferrán González; e no da Revista Retranca
