O vindeiro volume da serie “Los Reyes Elfos”, no que diferentes debuxantes darán vida aos guións de Víctor Santos, amplía a súa presenza galega. Se xa estaba confirmada a participación de Emma Ríos no proxecto, agora sabemos que tamén David Rubín ilustrará unha das historias desta obra colectiva. Pola súa banda, o último número da revista “Amaniaco”, conta coa presenza de Alberto Guitián e Kiko da Silva, mentres Víctor Rivas achega o seu gran de area ao proxecto “Universo cool”, unha proposta para crear de xeito colectivo todo un universo de superheroes na rede.
Bosquexos da historia de Rubín no blog Desde mi mundo; o web de Amaniaco; o web de Universo Cool
