Os novos números de “Amaniaco” e “Argh!” achegan traballos galegos, mentres coñecemos adiantos de Emma Ríos e Kike Benlloch

Kiko da Silva e Alberto Guitián repiten cadansúa colaboración no cuarto número da revista “Amaniaco”, que sairá para o vindeiro Saló del Còmic de Barcelona. Tamén para aquela estará xa na rúa o cuarto “Argh!”, publicación que conta coa presenza dos galegos Brais Rodríguez e Martín Romero. Ao tempo, no blog “Desde mi mundo”, podemos ver unha páxina da participación de Emma Ríos no vindeiro volume da serie “Los reyes elfos” e mais varios exemplos de “Cuimhne”, a novela gráfica que publicará en agosto a editorial Dolmen con debuxos de José Domingo e guión de Kike Benlloch.