Unha presentación, un convite e a participación nun álbum colectivo son as últimas novas do prolífico David Rubín

O vindeiro sábado 13 ás seis e media da tarde David Rubín presenta no Café Cultural Auriense da Cidade das Burgas a súa última obra, "A tearía do oso malaio". Ademais, o autor está xa na lista de convidados á vindeiras Xornadas de Cómic de Avilés, previstas para o aínda afastado mes de setembro. Por se fose pouco, no blog Desdemimundo anúnciasenos a vindeira participación de Rubín no volume "Historias do Esquecemento", que editará en abril Dolmen dentro da serie Siurell. O álbum reúne historias curtas de varios autores con guión de Luciano Saracino e Javier de Isusi, que se unen a través dunha historia do propio Rubín. Finalmente, neste mesmo medio adiantan para o segundo semestre do ano unha futura participación de Rubín nesta colección.

Máis información no blog do autor, e no blog Desde mi Mundo sobre o programa de Avilés 2007 e sobre os proxectos de Rubín en Siurell