Foto: Xunta de Galicia
A Xunta recibiu hoxe as obras de restauración e limpeza da fachada norte da Catedral de Santiago. Cun orzamento de 150.000 euros, a restauración "incluíu
traballos sobre as fábricas co obxectivo de repoñer a súa imaxe auténtica". A Xunta sinala que se "actuou sobre os encintados e se executaron reintegracións volumétricas de elementos construtivos pétreos e escultóricos de decoración arquitectónica". O traballo, como se pode apreciar claramente na fotografía, "completouse coa limpeza da vexetación e labores de carpintería".
