Mondoñedo contará en 2012 cun museo de arte privado

Obras precolombinas, pinturas e escultura españolas desde o século XI ata o día de hoxe. Estas son as liñas temáticas do futuro museo de arte que abrirá as súas portas en Mondoñedo para o vindeiro mes de abril. Trátase dunha iniciativa privada que pretende exhibir as obras dos irmáns San Cristóbal, un deles monseñor en Lima durante mais de 50 anos e o outro, fundado do museo existente na Catedral de Mondoñedo. Agora pretenden exhibir as súas coleccións privadas para o que están a remodelar, con axuda da Xunta, a casa natal dun dos irmáns.