Conferencias e visitas guiadas inician as actividades do Espazo Fotografía Campus de Compostela

Visitas guiadas a exposicións, saída fotográficas, charlas, conferencias, obradoiros…. Todo relacionado coa fotografía. Estas son as propostas que pon en marcha o Espazo de Fotografía Campus de Compostela. Unha iniciativa que xorde de xeito complementario aos cursos de formación que se organizan desde a Vicerreitoría de Extensión Cultural da USC e que imparte o fotógrafo Fuco Reyes. As actividades comezan sete sábado cunha visita guiada (con prazas limitadas) á exposición de Jeff Wall e continúan o martes 13 (Facultade de Xeografía e Historia) cunha conferencia do fotógrafo compostelán Tino Martínez.