O Museo do Mar abre unha exposición permanente de especies animais do Atlántico Norte

Esta mesma tarde, o conselleiro de Cultura, Roberto Varela inaugurará o Gabinete Científico do Museo do Mar. Baixo este epígrafe, o centro alberga de xeito permanente unha mostra de 213 especies de peixes e invertebrados capturados en Terranova e no Hatton Bank irlandés. Os fondos proceden das campañas de investigación que desenvolveu a sede viguesa do Instituto Español de Oceanografía e mais o Instituto de Investigacións Mariñas do CISC. Tamén esta mesma tarde, Varela presidirá a xuntanza do padroado deste centro, no que se ratificará o nomeamento de Marta Lucio como nova directora.