Marta Lucio
A historiadora da arte Marta Lucio foi nomeada onte nova directora do Museo do Mar de Galicia polo padroado da fundación que dirixe este centro vigués. Lucio, que substitúe a Pablo Carrera no posto, traballaba ata o de agora como técnica de cultura na Deputación de Pontevedra, desenvolvendo tarefas de coordinación no programa cultural da entidade. De xeito paralelo a este nomeamento, a vicepresidencia da Deputación de Lugo anunciaba onte un investimento de 190.000 euros para ampliar o Museo do Mar que xestiona en San Cibrao. O centro contará cunha superficie expositiva de 200 metros cadrados e incrementará os seus fondos, coa intención de recoller a importante tradición mariñeira da comarca da Mariña. A intención da Deputación é abrir a ampliación no vindeiro mes de maio.
