Nace A.de Fuga, unha nova galería de arte en Santiago

“Apostamos polo amor á arte e a alegría de vivir nestes tempos de crise” explican Paula Carbaleiro, Carmen Cabaneiro e Beatriz Suárez, as codirectoras de A.deFuga (Rúa do Preguntoiro, 28). Trátase dun espazo de arte que abriá as súas portas o venres, 25 de novembro, a partir das 20:00 horas e no que pretenden xuntar artistas emerxentes e consolidados, procedentes de diferentes disciplinas artísticas e, ao mesmo tempo, tender pontes de colaboración con outras entidades culturais e institucións. Como carta de presentación, a galería conta con diferentes propostas da que será a súa liña de traballo: unha exposición de Monte Rego e unhas xornadas de reflexión sobre a arte.

1 poesía fónica, de Teófila Noemí Ruiz e un concerto de improvisación (guitarra eléctrica e obxectos sonoros) de Pablo Orza son as dúa intervencions coas que A.deFuga abre, non só a súa traxectoria, senón a primeira das exposicións que ofrecerá. Trátase da mostra Shine! Do you mind?, coa que artista Montse Rego (Lugo, 1969) dá un novo xiro na súa traxectoria e ofrece unha instalación que fai referencia á natureza específica entre a parte efémera e a estática da súa proposta.

A galería, que segundo unha nota de prensa, nace cun marcado carácter de diálogo, ten previsto celebrar unhas xornadas de reflexión sobre a aarte en tempos de crise. A cita, que levará o título de Os muros teñen a palabra, desenvolverase os días 29 de Novembro, 13 e 14 de decembro ás 19:00 horas, con entrada libre.