Abre as súas portas a galería Goran Govorcin para promover artistas novos

“Son onde non penso, penso onde non son” é o título da exposición fotográfica coa que se estrea en Galicia a nipona Kimiko Yoshida. Pero tamén é a carta de presentación de Goran Govorcin Contemporary (Cruceiro do Galo, 17), a nova galería de arte compostelana. Un espazo que promoveron Goga Maric e Raquel Rosón e que ten como principal obxectivo apostar polos novos valores tanto galegos como internacionais. Nese sentido, a galería achegará nos vindeiros meses o traballo de Rubén Ramos Balsa (Santiago, 1978), un dos referentes da arte galega máis actual.