A exposición Bio-grafías pode verse na galería Goran Govorcin
Bio-grafias, o último traballo de Paulo Neves (Porto, 1959), achega unha caligrafía feita de símbolos e enigmas que pretenden evocar as ondas do mar e do infinito. Unha mostra deste artista portugués, internacionalmente recoñecido, que serve para identificar os seus sinais de identidade: a representación do rostro humano e a creación de impresións, rodas e ocos a partir de liñas concéntricas, realizadas fundamentalmente en pedra e madeira. A exposición abre as súas portas este xoves 17 na galería Goran Govorcin Contemporary (Cruceiro do Galo, Santiago).
