O tempo por Rubén Ramos Balsa (en A cantidade significativa da forma)

É un dos artistas novos máis destacados. Rubén Ramos Balsa (Santiago, 1978) ten no seu currículum máis de cincuenta exposicións entre as que destacan unha Bienal de Venecia ou unha individual no Kuopio Academy of Design and Crafts (Kuopio, Finlandia), así como a presenza habitual en ARCO. Agora, presenta A cantidade signifitcativa da forma na Galería Goran Govorcin. Unha exposición de pequeno formato no que o autor exerce esa condición de explorador do espazo máis inmediato e ínfimo: o doméstico. A simetría dos obxectos da realidade (sexan vasos de auga ou flocos de millo) e a incidencia da luz na cotidianeidade evidencian a ese Rubén escudriñador que fotografía o máis próximo para reflexionar sobre o paso do tempo. Descúbreo nesta fotogalería.